ჩირქგროვა კბილში (აბსცესი)

კბილის აბსცესი ეს არის ჩირქის გროვა, რომელიც გამოწვეულია ბაქტერიული ინფექციის შედეგად და  წარმოიქმნება კბილებში, ან ღრძილებზე.

ძირითადი სიმპტომი ამ დროს არის ძლიერი, რითმული ტკივილი აბსცესის ადგილზე. იგი იწყება უეცრად და რამოდენიმე საათის, ან დღის შემდეგ თანდათანობით უარესდებადა იწვევს კბილის მგრძნობელობის გაზრდასაც.

კბილის აბსცესის გამომწვევი მიზეზები და სახეობები

კბილის აბსცესის 2 სახეობა აესებობს:

• პერიაპიკალური  - ამ დროს ბაქტერია აღწევს კბილის ქვემოთ (აბსცესის ეს ტიპი ყველაზე მეტადაა გავრცელებული)
• პერიოდონტალური - ამ დროს ჩირქგროვა ფორმირდება ღრძილებში და კბილის დამჭერ ძვალში.

ორივე შემთხვევაში ბაქტერიები იბუდებენ პირის ღრუში. ეს ძირითადად გამოწვეულია შემთხვევების შემდეგი კომბინაციებით:

• პირის ღრუს ცუდი ჰიგიენა - როდესაც სათანადოდ და რეგულარულად არ იხეხავთ და არ იწმინდავთ კბილებსა და ღრძილებს (გაიგეთ მეტი კბილების ხეხვისა და წმენდის შესახებ.
• დიდი რაოდენობით შაქრიანი ან სახამებლიანი საკვებისა და სასმლის მიღება - ამ ტიპის საკვებსა და სასმელში არსებული ნახშირწყლები ხელსაყრელ ნიადაგს ქმნიან ბაქტერიების გასამრავლებლად, რაც იწვევს კბილის კარიესს.

კბილის აბსცესის მკურნალობა

თუ ვარაუდობთ, რომ გაქვთ კბილის აბსცესი, დაუყოვნებლივ უნდა მიმართოთ კბილის ექიმს.

ამ დროს თქვენი ოჯახის ექიმი დიდად ვერ დაგეხმარებათ იმის გარდა, რომ შემოგთავაზებთ ტკივილგამაყუჩებლებს, მაგ:  იბუპროფენს ან პარაცეტამოლს. ამ წამლების მიღებას აფთიაქშიც შეძლებთ.

მკურნალობის მეთოდიკა დამოკიდებულია ჩირქგროვის გამომწვევ მიზეზებზე. ზოგადად, მკურნალობა მოიცავს ჩირქის დრენირებას ან ფესვის არხების მკურნალობით, ან კბილის ამოღებით, ან ღრძილების მკურნალობით.

ამ ტიპის მკურნალობა როგორც წესი, არ უნდა იყოს ძლიერ მტკივნეული, რადგან კეთდება ადგილობრივი ანესთეზიით, რაც გააყუჩებს და დააბუჟებს დასამუშავებელ ადგილს.

სხვა ინფექციებისგან განსხვავებით, კბილის აბსცესი თავისით არ იკურნება, ამიტომ საჭირო ხდება ექიმის ჩარევა. სათანადო მკურნალობის შემთხვევაში, ბაქტერიული ინფექცია, რომელმაც ჩირქის წარმოქმნა გამოიწვია, სრულად განიკურნება.

ანტიბიოტიკები კბილის აბსცესის სამკურნალოდ არ გამოიყენება, მაგრამ იშვიათად შეიძლება გამოიყენონ სიმპტომების შესამცირებლად.

კბილის აბსცესის გართულებები

კბილის აბსცესის დროს გართულებების განვითარება იშვიათია, მაგრამ თუ განვითარდა, მძიმედ მიმდინარეობს. მაგალითად, ინფექცია შეიძლება გავრცელდეს მახლობლად მყოფ ძვალში (ოსტეომიელიტი).