Meds.ge » ყველა წამალი » არკოუშენი ოკეანის მაგნიუმი + B6 / arkousheni okeanis magniumi + B6 / ARKOCEAN Magnesium

არკოუშენი ოკეანის მაგნიუმი + B6 / arkousheni okeanis magniumi + B6 / ARKOCEAN Magnesium

96

შემადგენლობა: 

მაგნიუმი - 150მგ; B6 ვიტამინი - 2მგ.

არკოუშენის შემადგენელი მაგნიუმი მოპოვებულია ოკეანის ჭაობებიდან. 

დამატებითი კომპონენტები: კონცენტრირებული ოკეანის წყალი, კარამელის არომატი - დამატკბობლები: სტევიის გლიკოზიდები.

 

ფარმაკოლოგიური თვისებები:

მაგნიუმი წარმოადგენს უმნიშვნელოვანეს მინერალს, რომელიც ადამიანის ორგანიზმში მონაწილეობას იღებს 300-ზე მეტ ფერმენტულ პროცესში. მის მრავალფეროვან ფუნქციებს შორის აღსანიშნავია ნერვული და ძვალ-კუნთოვანი სისტემების გამართული ფუნქციონირება, არტერიული წნევისა და გულის რითმის რეგულირება და იმუნური სისტემის გაძლიერება. მაგნიუმი მნიშვნელოვან როლს თამაშობს გლუკოზის ცვლაში და ინსულინის მეტაბოლიზმში. მაგნიუმის დეფიციტი იწვევს შფოთვას და დეპრესიას. 

B6 ვიტამინი (პირიდოქსინი) წარმოადგენს წყალში ხსნად ვიტამინს, რომელსაც ადამიანი ღებულობს საკვებთან ერთად. მისი მრავალფეროვანი ფუნქციებიდან აღსანიშნავია მონაწილეობა ნეიროტრანსმიტერების (სეროტონინი, დოფამინი) სინთეზში. შესაბამისად, მისი დეფიციტი დაკავშირებულია დეპრესიის სიმპტომებთან, გუნება-განწყობის გაუარესებასთან. B6 ვიტამინი აუმჯობესებს თავის ტვინის ფუნქციონირებას, ამცირებს თვალის დაავადებების განვითარების რისკს. იგი აქვეითებს გულისრევისა და ღებინების სიმპტომებს ორსულობის დროს.

არკოუშენი ოკეანის მაგნიუმი + B6 ორგანიზმს აწვდის მაგნიუმისა და B6 ვიტამინის საჭირო დღიურ რაოდენობას. იგი ამცირებს დაღლილობას, აუმჯობესებს ფსიქოემოციურ მდგომარეობას, აუმჯობესებს ძილს. 

არკოუშენი ოკეანის მაგნიუმი + B6 -ის შემადგენლობაში შედის მაგნიუმი ქლორიდის სახით, რაც წარმოადგენს ორგანიზმისთვის ყველაზე კარგად ათვისებად ფორმას.

 

ჩვენებები:

• ძილის დარღვევა;

• ნევროზი, გაღიზიანებადობა, შფოთვა, დეპრესია;

• ფიზიკური და გონებრივი გადაძაბვა;

• ასთენია;

• შაკიკი;

• კუნთების ტკივილი და სპაზმი, კუნთების კრამპი;

• არტერიული ჰიპერტენზია, ტაქიკარდია, არითმია;

• მეტაბოლური სინდრომი, ინსულინრეზისტენტობა.

• პრემენსტრულური სინდრომი, პირველადი დისმენორეა;

• ორსულთა ტოქსიკოზი;

• ნაადრევი მშობიარობის პროფილაქტიკა;

• საშვილოსნოს ტონუსის მატება, პლაცენტარული სისხლის მიმოქცევის მოშლა, ნაყოფის კვების გაუარესება;

მიღების წესი და დოზირება:

6-დან 12 წლამდე ბავშვებისთვის -  1/2 ამპულა დღეში, 12 წლის ზემოთ - ერთი ამპულა დღეში.

რეკომენდებულია გახსნამდე ამპულის შენჯღრევა. 

ამპულის შიგთავსი იხსნება 125მლ (ნახევარ ჭიქა) წყალში ან წვენში. 

 

განსაკუთრებული მითითებები: 

გამოიყენება 6 წლის ასაკიდან;

მნიშვნელოვანია დოზირების რეჟიმის დაცვა;

საკვებ-დანამატს არ შეუძლია ჩაანაცვლოს ბალანსირებული კვება და ჯანსაღი ცხოვრების წესი.

 

ორსულობა და ლაქტაცია:
გამოიყენება ორსულებში და მეძუძურ დედებში.

 

შენახვის პირობები:
შეინახეთ ბავშვებისთვის მიუწვდომელ ადგილას.  

 

გამოშვების ფორმა:  

10მლ X 20 ამპულა შეფუთვაში. 

ამპულები დამზადებულია მუქი ფერის მინისგან შიგთავსის მზის სხივებისგან დასაცავად

კომენტარის დამატება