ტუბერკულოზისა და ფილტვის დაავადებათა ეროვნული ცენტრი

საქართველოში მოქმედი ტუბერკულოზის კონტროლის სისტემა ეფუძნება ტუბერკულოზთან ბრძოლის საერთაშორისო STOP TB სტრატეგიას.

STOP TB სტრატეგიის არსი მდგომარეობს ტუბერკულოზზე სრულყოფილი კონტროლის სისტემის შექმნაში, რომელიც უზრუნველყოფს საზოგადოებაში სიკვდილობის, ავადობის, დაავადების გავრცელების შემცირებასა და ტუბსაწინააღმდეგო მედიკამენტებისადმი რეზისტენტობის განვითარების პრევენციას.

ეს ხორციელდება ტუბერკულოზის შემთხვევათა გამოვლენის, დიაგნოზირების, მკურნალობის, პრევენციისა და ეპიდზედამხედველობისსტანდარტული ღონისძიებების მეშვეობით. სტრატეგიის ქვაკუთხედია მისი წარმოშობის საფუძველი – DOT ანუ მოკლევადიანი ქიმითერაპია უშუალო მეთვალყურეობის ქვეშ.

საერთაშორისო რეკომენდაციების მიხედვით, DOTs და რეზისტენტული ტუბერკულოზის შემთხვევაში DOTs პლუსსტრატეგია, გამართლებულია და ეფექტური სამედიცინო და ეკონომიკური თვალსაზრისით, რის გამოც იგი მსოფლიოს ასობით ქვეყანაში საფუძვლად დაედო ტუბერკულოზთან ბრძოლის სახელმწიფო პროგრამებს.