კაპეციტაბინი - ჰუმანითი / kapecitabini - humaniti / capecitabine-humanity

სავაჭრო სახელწოდება:
კაპეციტაბინი-ჰუმანითი

საერთაშორისო არაპატენტირებული სახელწოდება
კაპეციტაბინი

სამკურნალწამლო ფორმა: 
შემოგარსული ტაბლეტი. 

შემადგენლობა: 
ყოველი შემოგარსული ტაბლეტი შეიცავს:
კაპეციტაბინს 150მგ ან 500მგ

ფარმაკოთერაპიული ჯგუფი:  
ციტოსტატიკი, ანტიმეტაბოლური პრეპარატი. 

ათქ კოდი: L01BC06

ფარმაკოლოგიური მახასიათებლები 
ფარმაკოდინამიკა
კაპეციტაბინი  არის  ფტორპირიმიდინის კარბამატის წარმოებული, რომელიც არის 5-  ფთორურაცილის პრეკურსორი.  მისი აქტივირება  ხდება რამოდენიმე საფეხურად. 5 -ფუ-ად ტრანსფორმაციის ბოლო ეტაპზე მონაწილეობას ღებულობს თიმიდინ ფოსფორილაზა, რომელიც მეტად წარმოდგენილი არის სიმსივნურ ქსოვილში, ხოლო შედარებით  მცირე რაოდენობით - ჯანსაღ ქსოვილში. დამტკიცებულია, რომ 5- ფთორურაცილის ანაბოლური ტრანსფორმაცია იწვევს ბლოკს მეთილირების რეაქციისა, რომელიც  დეზოქსიურიდილის მჟავას გარდაქმნის  თიმიდილის მჟავად, შესაბამისად ხელს უშლის  დეზოქსირიბონუკლეინის მჟავის წარმოქმნას (დნმ). 5- ფთორურაცილის ინკორპორაცია ასევე იწვევს  რნმ-ის და პროტეინის სინთეზის ინჰიბირებას. რადგან დნმ და რნმ არიან გადამწყვეტი უჯრედის გაყოფისა და ზრდისათვის, 5- ფთორურაცილის ეფექტი ასევე შეიძლება იწვევდეს  თიმიდინის დეფიციტს, რაც იწვევს უჯრედების არაბალანსირებულ ზრდასა და სიკვდილს. დნმ და რნმ-ის დეპრივაცია მეტად გამოხატულია იმ უჯრედებში, რომლებიც მეტად სწრაფად განიცდიან პროლიფერაციას.

ფარმაკოკინეტიკა
პერორალურად მიღებისას კაპეციტაბინი სწრაფად და მთლიანად შეიწოვება. შემდგომში ის  გარდაიქმნება მეტაბოლიტებად - 5’-დეზოქსი-5-ფტორციტიდინად (5’- დფცტ) და 5’-დფურ-ად. საკვები ამცირებს კაპეციტაბინის შეწოვის სიჩქარეს, მაგრამ უმნიშვნელოდ მოქმედებს 5’-დფურ-ის და შემდეგი მეტაბოლიტის 5-ფუ-ს მრუდის `კონცენტრაცია-დრო~ (AUC) ქვეშ ფართობის სიდიდეზე. in vitro  გამოკვლევამ უჩვენა, რომ ცილებთან (ძირითადად ალბუმინთან) შეკავშირება კაპეციტაბინისთვის, 5’-დფცტ-სთვის, 5’-დფურ- სთვის და 5-ფუ-სთვის შესაბამისად 54%, 10%, 62% და 10% . კაპეციტაბინი აქტიურად განიცდის  ფერმენტულ მეტაბოლიზმს 5-ფთორურაცილამდე. მისი მეტაბოლიზმი იწყება ღვიძლში. ორგანიზმიდან კაპეციტაბინის, 5’-დფცტ-ს, 5’-დფურ-ის, 5-ფუ-ს და ფბალ-ის ნახევრადგამოყოფის დრო (t1/2) შეადგენს 0.85, 1.11, 0.66, 0.76 და 3.23 საათს შესაბამისად.პერორალური მიღების შემდეგ კაპეციტაბინი და მისი მეტაბოლიტები ძირითადად შარდთან ერთად გამოიყოფა. კაპეციტაბინის მიღებული დოზის უმეტესი ნაწილი (95.5%) შარდთან ერთად გამოიყოფა. განავალთან ერთად გამოყოფა მინიმალურია (2.6%). ძირითად მეტაბოლიტს შარდში ფბალ-ი წარმოადგენს, რომელზეც მიღებული დოზის 57% მოდის. მიღებული დოზის დაახლოებით 3% გამოიყოფა უცვლელი სახით შარდთან ერთად .

ჩვენებები
კოლო-რექტალური სიმსივნე: 
მონოთერაპია
• ადიუვანტური თერაპიის სახით მსხვილი ნაწლავის მესამე სტადიის სიმსივნის დროს (დიუკის მიხედვით  C სტადია) ქირურგიული ჩარევის შემდგომ.
• პირველი რიგის თერაპია პაციენტებში მეტასტაზური კოლო-რექტალური სიმსივნით.
კომბინირებული  თერაპია:
• ოქსალიპლატინთან კომბინაციაში  მეტასტაზური კოლო-რექტალური კიბოს დროს,  ირინოთეკანით კომბინირებული ქიმიოთერაპიის არაეფექტურობის დროს. 
სარძევე ჯირკვლის კიბო: 
მონოთერაპია: 
• ძუძუს ადგილობრივად გავრცელებული ან  მეტასტაზური კიბოს დროს, სტანდარტული თერაპიის მიმართ (ტაქსანებისა და ანტრაციკლინების ჩათვლით) რეზისტენტობის დროს,  ან როდესაც ანტრაციკლინებით შემდგომი თერაპია უკუნაჩვენებია. 
კომბინირებული თერაპია:
• დოცეტაქსელთან კომბინაციაში ძუძუს ადგილობრივად გავრცელებული, ასევე მეტასტაზური კიბოს დროს, ანტრაციკლინური რიგის პრეპარატების არაეფექტურობის დროს. 
კუჭის კიბო 
• პირველი ხაზის თერაპიაში კუჭის გავრცელებული კიბოს დროს,  პლატინის პრეპარატებთან კომბინაციაში. 

უკუჩვენებები
• ჰიპერმგრძნობელობა კაპეციტაბინის, 5–ფთორურაცილის ან პრეპარატის ნებისმიერი სხვა შემადგენელი კომპონენტის მიმართ. 
• თირკმლის მძიმე უკამარისობა ( კრეატინინის კლირენსი ნაკლებია 30–მლ/წთ-ზე)
• დიჰიდროპირიმიდინ-დეჰიდროგენაზას აქტივობის სრული არარსებობის მქონე პაციენტებში.  
• პოტენციური ფატალური შედეგის გამო კაპეციტაბინის ერთდროული გამოყენება უკუნაჩვენებია სორივუდინთან ან მის  ქიმიურ ანალოგებთან მაგალითად ბრივუდინთან .

განსაკუთრებული გაფრთხილებები:
კაპეციტაბინით მკურნალობისას  მე–2 ხარისხის ან მეტი ტოქსიურობის გამოვლენის დროს მკურნალობა უნდა შეწყდეს სიმპტომების გავლამდე ან შემცირებამდე.მე–2 ხარისხის ტოქსიურობა მოიცავს : დიარეას (დღეში 4–6 ჯერ ან ღამის დეფეკაციას), პირღებინებას,  რომლის დროსაც საკვების მიღება მკვეთრად შემცირებულია, მაგრამ პაციენტი პერიოდულად ახერხებს ჭამას, გულისრევას 2–5 –ჯერ 24 საათის მანძილზე; პლანტარულ სინდრომს, რაც წარმოადგენს ხელისგულის ან/და ფეხისგულის მტკივნეულ ერითემას  ან დისკომფორტს, რომელიც პაციენტს ხელს უშლის ყოველდღიურ ცხოვრებაში.
კარდიოტოქსიურობა: კაპეციტაბინით მკურნალობისას შესაძლებელია კარდიოტოქსიურობის შემდეგი მოვლენების განვითარება: მიოკარდიუმის ინფარქტი/იშემია, სტენოკარდია, დიზრითმია,  გულის უკმარისობა,გულის გაჩერება, უეცარი სიკვდილი, ელექტროკარდიოგრაფიული ცვლილებები, კარდიომიოპათია. ასეთი გართულებები მეტია პაციენტებში კორონარული არტერიების უკვე არსებული დაზიანებით.
ენდოკრინული სისტემა და მეტაბოლიზმი: 
დეჰიდრატაცია:  მე–2 ხარისხის დეჰიდრატაციის განვითარების შემთხვევაში, კაპეციტაბინით მკურნალობა უნდა შეწყდეს, დეჰიდრატაციისა და მისი გამომწვევი მიზეზების კონტროლირებამდე. დეჰიდრატაციამ შესაძლებელია გამოიწვიოს თირკმლის მწვავე უკმარისობა, განსაკუთრებით პაციენტებში, რომელთაც კაპეციტაპინი ეძლევათ ნეფროტოქსიურ მედიკამენტებთან ერთად. ასეთ სიტუაციაში შესაძლებელია ფატალური გამოსავალი. 
დიჰიდროპირიმიდინის დეჰიდროგენაზას დეფიციტი: პაციენტებში მოცემული ფერმენტის არარსებობით ან მკვეთრი დეფიციტით (ფერმენტი მონაწილეობს ფთორურაცილის მეტაბოლიზმში) შეიძლება გამოვლინდეს მძიმე, სიცოცხლისათვის საშიში გვერდითი მოვლენები.  პაციენტებში  დიჰიდროპირიმიდინის დეჰიდროგენაზას ნაწილობრივი დეფიციტით უნდა შეფასდეს მკურნალობის რისკი და შესაძლო სარგებელი. ასეთი პაციენტები საჭიროებენ მუდმივ მონიტორინგს. 
გასტროინტესტინური სისტემა 
დიარეა: კაპეციტაბინი ხშირად იწვევს  დიარეას, რაც შესაძლებელია ხანდახან იყოს ძალიან მძიმე. ასეთი პაციენტები საჭიროებენ მონიტორინგს, სითხისა და ელექტროლიტების ბალანსის შევსებას. მეორე ხარისხის დიარეის დროს კაპეციტაბინით  მკურნალობა უნდა შეწყდეს. 
ჰემატოლოგია
შესაძლებელია განვითარდეს 3–4 ხარისხის ნეიტროპენია, თრომბოციტოპენია, ანემია.
პაციენტებს, რომელთა ნეიტროფილები <1.5 x 109/ლ–ზე და /ან თორმობოციტები <100 x 109/ლ–ზე არ უნდა ვუმკურნალოთ კაპეციტაბინით. 
პაციენტებს, რომლებიც მკურნალობენ კაპეციტაბინით და  პერორალური კუმარინის წარმოებული ანტიკოაგულანტებით, მაგალითად ვარფარინით, შესაძლებელია განუვითარდეთ კოაგულოპათია ან/და სისხლდენა, რომელიც  ვითარდება კაპეციტაბინით მკურნალობის დაწყებისადან რამოდენიმე დღიდან, რამოდენიმე თვემდე ინტერვალში.  
ღვიძლი/ სანაღვლე გზები
ღვიძლის უკმარისობის მქონე პაციენტები საჭიროებენ ახლო მონიტორინგს კაპეციტაბინით მკურნალობისას.   კაპეციტაბინით მკურნალობისას შესაძლებელია განვითარდეს ჰიპერბილირუბინემია. როდესაც ჰიპერბილირუბინემია მე–2, მე–3 ან მე–4 ხარისხისაა, მკურნალობა უნდა შეწყდეს. 
თირკმელი:
თირკმლის საშუალოდ გამოხატული უკმარისობის მქონე პაციენტებში   
(კრეტინინის კლირენსი 30–50 მლ/წთ) ინიშნება კაპეციტაბინის საწყისი დოზის 75%, როგორც მონოთერაპიაში, ასევე დოცეტაქსელთან კომბინაციაში. საჭიროა საფრთხილე თირკმლის უკმარისობის მქონე პაციენტებში კაპეციტაბინის დანიშვნისას. 
კანი
პალმარულ-პლანტარული სინდრომი (პალმარულ-პლანტარული ერითოდიზესთეზია ან ქიმიოთერაპიით განპირობებული აკრალური ერითემა) შესაძლებელია აღმოცენდეს კაპეციტაბინით მკურნალობისას ( როგორც მონოთერაპიის, ასევე კომბნირებული თერაპიის დროს), საშუალოდ 79 დღის განმავლობაში. მე-2, მე-3 ხარისხის ხელისგულის–ფეხისგულის სინდრომის დროს მკურნალობა უნდა შეწყდეს სიმპტომების უკუგანვითარებამდე. 

სხვა მედიკამენტებთან ურთიერთქმედება
სორივუდინი და ანალოგები: 5-ფთორურაცილისა და სორივუდინის კლინიკურად მნიშვნელოვანი ურთიერთქმედებას განაპირობებეს დიჰიდროპირიმიდინ დეჰიდროგენაზის ინჰიბირება სორივუდინის მიერ, რაც მკვეთრად ზრდის ფთორპირიმიდინის ტოქსიურობას , რომელიც  შეიძლება იყოს ფატალური. 
ფენიტოინი: კაპეტიაბინთან ერთად ფენიტოინის გამოყენება იწვევს ფენიტოინის კონცენტრაციის მატებას. შესაბამისად უნდა მოხდეს ასეთი პაციენტების მონიტორინგი. 
კუმარინული ანტიკოაგულანტები: კოაგულაციური პარამეტრების ცვლილება და/ან სისხლდენა აღინიშნა პაციენტებში, რომლებიც ღებულობდნენ ერთდროულად კაპეციტაბინსა და კუმარინულ ანტიკოაგულანტებს, ამ ეფექტს ადგილი აქვს კაპეციტაბინით მკურნალობის დაწყებიდან რამოდენიმე დღიდან რამოდენიმე თვეში, და ასევე ერთულ შემთხვევებაში მკურნალობის შეწყვეტიდან ერთ თვეში. 
ციტოქრომ P450 2C9-ის სუბსტრატები: სპეციალური კვლევები, რომლებიც შეისწავლიდა კაპეციტაბინის  ურთიერთქმედებას  პრეპარატებთან, რომლებიც მეტაბოლიზმს განიცდიან ციტოქრომ P450 სისტემის 2С9 იზოფერმენტის ზემოქმედებით არ ჩატარებულა. ამდენად, ასეთ პრეპარატებთან ერთად კაპეციტაბინის დანიშვნის შემთხვევაში, საჭიროა სიფრთხილის ზომების დაცვა.
ანტაციდები: ალუმინის ჰიდროქლორიდის და მაგნეზიუმის ჰიდროქლორიდის შემცველ ანტაციდებთან ერთდროული გამოყენებისას, მცირედ მატულობს კაპეციტაბინის და მისი ერთ-ერთი მეტაბოლიტის (5’DFCR) რაოდენობა.
კაპეციტაბინის ტოქსიურობამ შესაძლებელია მოიმატოს ლეუკოვირინთან კოადმინისტრირებისას.

განსაკუთრებული პოპულაცია
ორსულობა: არ არსებობს ადექვატური კვლევები ორსულ ქალებში კაპეციტაბინის გამოყენებისას.  თუკი პრეპარატი გამოიყენება ორსულობისას, ან პაციენტი დაორსულდა მკურნალობისას, მან უნდა იცოდეს ნაყოფის პოტენციური რისკის შესახებ. კაპეციტაბინი არის ტერატოგენული და იწვევს ნაყოფის სიკვდილს თაგვებში და მაიმუნებში ჩატარებული კვლევებისას.  ფერტილური პოტენციალის მქონე ქალებმა უნდა გამოიყენონ ორსულობისაგან დაცვის საიმედო მეთოდები  კაპეციტაბინით მკურნალობის დროს. 

მეძუძური დედები: 
რეკომენდებულია ლაქტაციის შეწყვეტა კაპეციტაბინით მკურნალობისას. 
პედიატრიული პაციენტები: 18 წელზე ნაკლები ასაკის პირებში კაპეტიცაბინის ეფექტურობა და უსაფრთხოება დადგენილი არ არის. 

დოზირება და მიღების რეჟიმი 
კაპეციტაბინი ნაჩვენებია ხანგრძლივი თერაპიისათვის, თუკი არ არსებობს კლინიკური შეუსაბამობა. კაპეციტაბინის ტაბლეტები მიიღება ჭამის მერე 30 წუთში, წყლის დაყოლებით.
მონოთერაპია
მსხვილი ნაწლავის კიბოს ადუვანტური თერაპიისას, მეტასტაზური კოლო–რექტალური  და  ძუძუს ადგილობრივად გავრცელებული და მეტასტაზური კიბოს მონოთერაპიისას საწყისი დოზა შეადგენს 1250 მგ/მ2  დღეში ორჯერ - დილას და საღამოს (მთლიანი სადღეღამისო დოზა 2500 მგ/მ2 ) 14 დღის განმავლობაში, მომდევნო 7- დღიანი შესვენებით. ადიუვანტური თერაპია მესამე სტადიის მსხვილი ნაწლავის კიბოს დროს რეკომენდებულია 6 თვის განმავლობაში.
კომბინირებული თერაპია:
 მსხვილი ნაწლავის კიბო,  კოლო-რექტალური კიბო და კუჭის კიბო: კომბინირებული მკურნალობისას კაპეციტაბინის რეკომენდებული საწყისი დოზა შეადგენს  800 - 1000 მგ/მ2  ორჯერ დღეში14 დღის მანძილზე, შემდგომი 7 დღიანი შესვენებით ან 625 მგ /მ2 ორჯერ დღეში, თუკი პრეპარატი ინიშნება უწყვეტად.

ირინოთეკანთან კომბინაციაში რეკომენდებული საწყისი დოზა შეადგენს 800მგ/მ2-ზე 2-ჯერ დღეში,14 დღის მანძილზე, შემდგომი 7 დღიანი შესვენებით. ირინოთეკანი ინიშნება თერაპიის პირველ  დღეს დოზით 200 მგ/მ2 -ზე. კაპეციტაბინის საწყისი დოზაზე გავლენას არ ახდენს ბევაციზუმაბის ჩართვა. ცისპლატინთან კომბინირებული თერაპიის დაწყებამდე აუცილებელია ადექვატური ჰიდრატაცია და  ანტი–ემეტური თერაპია. ოქსალიპლატინთან კომბინაციისას ასევე საჭიროა წინასწარი ანტი–ემეტური თერაპია. 
მსხვილი ნაწლავის კობოს მე-3 სტადიის დროს ადიუვანტური თერაპიისას მკურნალობა გრძელდება 6 თვე. 
ძუძუს კიბო: დოცეტაქსელთან კომბინირებისას კაპეციტაბინის რეკომენდებული საწყისი დოზა ძუძუს მეტასტაზური კიბოს დროს შეადგენს  1250 მგ/მ2 ორჯერ დღეში14 დღის მანძილზე, შემდგომი 7 დღიანი შესვენებით, ხოლო დოცეტაქსელი მიიღება დოზით  75 მგ/მ2 ერთსაათიანი ინტრავენური ინფუზიის სახით, სამ კვირაში ერთხელ. პრემედიკაცია პერორალური კორტიკოსტეროიდებით, მაგალითად დექსამეტაზონით  იწყება დოცეტაქსელით მკურნალობამდე, იმ პაციენტებში, რომელნიც დოცეტაქსელთან კომბინაციაში ღებულობენ კაპეციტაბინს.

სტანდარტული და შემცირებული დოზების კალკულაცია სხეულის ზედაპირის მიხედვი   თ, როდესაც კაპეციტაბინის საწყისი დოზაა 1250 მგ/მ2	დოზა 1250 მგ/მ2 (ორჯერ დღეში)
	მთლიანი დოზა 1250 მგ/მ²	150 მგ და/ან 500 მგ აბების რაოდენობა  – დილით და საღამოს		შემცირებული დოზა (საწყისი დოზის 75%) 950 მგ/მ²	შემცირებული დოზა (საწყისი დოზის 50%) 625 მგ/მ²
სხეულის ზედაპირის ფართობი (მ²)	მისაღები დოზა (მგ)	150 მგ	500 მგ	მისაღები დოზა (მგ)	მისაღები დოზა (მგ)
≤1.26	1500	-	3	1150	800
1.27 - 1.38	1650	1	3	1300	800
1.39 - 1.52	1800	2	3	1450	950
1.53 - 1.66	2000	-	4	1500	1000
1.67 - 1.78	2150	1	4	1650	1000
1.79 - 1.92	2300	2	4	1800	1150
1.93 - 2.06	2500	-	5	1950	1300
2.07 - 2.18	2650	1	5	2000	1300
≥2.19	2800	2	5	2150	1450

სტანდარტული და შემცირებული დოზების კალკულაცია სხეულის ზედაპირის მიხედვით, როდესაც კაპეციტაბინის საწყისი დოზა  არის 1000 მგ/მ2

	დოზა – 1000 მგ/მ² 2-ჯერ დღეში
	მთლიანი დოზა 1000 მგ/	150 მგ და/ან 500 მგ  აბების რაოდენობა (დილით და საღამოს)		შემცირებული დოზა (საწყისი დოზის 75%) 750 მგ/მ²	შემცირებული დოზა (საწყისი დოზის 50%) 500 მგ/მ
სხეულის ზედაპირის ფართობი (მ²)	მისაღები დოზა (მგ)	150 მგ	500 მგ	მისაღები დოზა (მგ)	მისაღები დოზა (მგ)
≤1.26	1150	1	2	800	600
1.27 - 1.38	1300	2	2	1000	600
1.39 - 1.52	1450	3	2	1100	750
1.53 - 1.66	1600	4	2	1200	800
1.67 - 1.78	1750	5	2	1300	800
1.79 - 1.92	1800	2	3	1400	900
1.93 - 2.06	2000	-	4	1500	1000
2.07 - 2.18	2150	1	4	1600	1050
≥2.19	2300	2	4	1750	1100

დოზის კორექცია მკურნალობის მიმდინარეობისას: 
ზოგადი რეკომენდაციები: კაპეციტაბინის გამოყენებისას განვითარებული ტოქსიურობის შემცირება შესაძლებელია  სიმპტომური მკურნალობით და/ან პრეპარატის დოზის კორექციით (მკურნალობის შეწყვეტით ან დოზის შემცირებით). თუკი საჭირო გახდა დოზირების შემცირება, მაშინ შემდგომში აღარ უნდა მოხდეს მისი კვლავ გაზრდა. თუკი მკურნალი ექიმის შეფასების თანახმად  განვითარებული ტოქსიური ეფექტები არ არის სერიოზული ან სიცოცხლისათვის საშიში ( მაგალითად ალოპეცია, გემოვნების შეცვლა, ფრჩხილების ცვლილებები), მაშინ შესაძლოა მკურნალობის გაგრძელება პრეპარატის საწყისი დოზის გამოყენებით, მისი შემცირებისა ან მკურნალობის შეწყვეტის გარეშე. ტოქსიურობის გამო გამოტოვებული კაპეციტაბინის დოზის ჩანაცვლება არ ხდება.
 ქვემოთ მოყვანილ ცხრილში წარმოდგენილია რეკომენდაციები, თუ როგორ მოვახდინოთ  კაპეციტაბინის დოზის ცვლილება  ტოქსიურობის გამოვლინების შემთხვევაში 
კაპეციტაბინის დოზის კლების ცხრილი  (3 კვირიანი ციკლი ან უწყვეტი მკურნალობა)

ტოქსიურობის ხარისხი *	დოზის ცვლილება მკურნალობის ციკლის მიმდინარეობისას	დოზის კორექცია მკურნალობის მომდევნო ციკლის მიმდინარეობისას (საწყისი დოზის %)
1-ლი ხარისხი	გაგრძელდეს იმავე დოზით	გაგრძელდეს იმავე დოზით
მე-2 ხარისხი
1-ლი გამოვლინება	მკურნალობა შეწყდეს სანამ ტოქსიურობა შემცირდება 0 – 1 ხარისხამდე	100%
მე-2 გამოვლინება		75%
მე-3 გამოვლინება		50%
მე-4 გამოვლინება	მკურნალობა საერთოდ შეწყდეს	არ გამოიყენება
• მე-3 ხარისხი
1-ლი გამოვლინება	მკურნალობა შეწყდეს სანამ ტოქსიურობა შემცირდება 0 – 1 ხარისხამდე	75%
მე-2 გამოვლინება		50%
მე-3 გამოვლინება	მკურნალობა სრულებით შეწყდეს	არ გამოიყენება
• მე4 ხარისხი
1-ლი გამოვლინება	მკურნალობა სრულებით შეწყდეს ან, თუკი ექიმი ჩათვლის, რომ პაციენტის ინტერესშია მკურნალობის გაგრძელება, მაშინ მკურნალობა შეწყდეს სანამ  ტოქსიურობა შემცირედება 0 – 1 ხარისხის დონეზე	50%
მე-2 გამოვლინება	მკურნალობა სრულიად შეწყდეს	არ გამოიყენება

*კანადის ეროვნული ონკოლოგიური ინსტიტუტის კლინიკური კვლევების წარმოების ჯგუფის მიერ შემუშავებული ტოქსიურობის ზოგადი კრიტერიუმების (NCIC CTG,) მიხედვით. ან  აშშ-ს ეროვნული ონკოლოგიური ინსტიტუტის სიმსივნის საწინააღმდეგო თერაპიის შეფასების პროგრამით განსაზღვრული არასასურველი მოვლენების ზოგადი ტერმინოლოგიური კრიტერიუმების (CTCAE) მიხედვით. 
ჰემატოლოგია: პაციენტებს, რომელთა ბაზისური  ნეიტროფილების მაჩვენებელი <1.5 x 109/ლ, ხოლო თრმობოციტების მაჩვენებელი <100 x 109/ლ არ უნდა ვუმკურნალოთ კაპეციტაბინით. თუკი მკურნალობის მანძილზე, არადაგეგმილი ლაბორატორიული კვლევით მიღებული ნეიტროფილების მაჩვენებელი <1.0 x 109/ლ ,ხოლო თრომბოციტები < 75 x 109/L,.კაპეტიცაბინით მკურნალობა უნდა შევწყვიტოთ
დოზის კორექციის ზოგადი რეკომენდაციები კომბინირებული თერაპიის დროს  (3 კვარიანი ციკლისას). ტოქსიური მოვლენების  შემთხვევაში იხელმძღვანელეთ  დოზის კორექციის ზემოთხსენებული რეკომენდაციებით  და ასევე სხვა პრეპარატების გამოყენების ინსტრუქციებით. თუ მოსალოდნელია კაპეციტაბინის მიღების გადავადება, საჭიროა გადავადდეს კომბინირებულ თერაპიაში შემავალი  ყველა პრეპარატის მიღება, სანამ არ იქნება შესაძლებლობა განახლდეს მკურნალობა ყველა პრეპარატით. თუ კომბინირებული თერაპიის ციკლის ჩატარების დროს ტოქსიურობის მოვლენები ექიმის აზრით, დაკავშირებული არ არის კაპეციტაბინთან, მაშინ კაპეციტაბინის დოზა უცვლელი რჩება, ხოლო სხვა პრეპარატების დოზა უნდა დაკორექტირდეს მათი გამოყენების ინსტრუქციის შესაბამისად. თუ საჭირო ხდება სხვა პრეპარატის (პრეპარატების) მოხსნა, მკურნალობა შეიძლება გაგრძელდეს კაპეციტაპინით, მის მიმართ მოთხოვნების დაკმაყოფილების შემთხვევაში.  
დოზის კორექცია პაციენტების განსაკუთრებულ ჯგუფებში:
ღვიძლის დაავადებები: არ არსებობს დოზის კორექციის რეკომენდაციები  ღვიძლის დაავადებების მქონე პაციენტებში არასაკმარისი გამოცდილების გამო ამ ჯგუფში.  არ არის ინფორმაცია პრეპარატის გამოყენებაზე ჰეპატიტით და ციროზით დაავადებული პაციენტებში. 
თირკმლის დაავადებები: კაპეციტაბინი უკუნაჩვენებია პაციენტებში თირკმლის მძიმე უკმარისობით ( კრეატინინის კლირენსი ნაკლები 30 მლ/წთ [Cockcroft და Gault] ). რეკომენდებულია საწყისი დოზის - 1250 მგ/მ2-ის, შემცირება 75%-მდე ავადმყოფებში თირკმლის საშუალოდ გამოხატული  უკმარისობით (კკ 30-50 მლ/წთ, ფორმულით Cockroft-Gault). ასეთ პაციენტებში საწისი დოზა- 1000 მგ/მ2-ზე, კორეაქციას არ მოითხოვს. ავადმყოფებში თირკმლის იოლი ხარისხის უკმარისობით (კკ 51-80 მლ/წთ) საწყისი დოზის კორექტირება არ არის საჭირო. 
ხანდაზმულები: არ არის საჭირო დოზის კორექცია, თუმცა  მე-3 და მე-4 ხარისხის გვერდითი მოვლენების აღმოცენების ალბათობა მეტია 60 წელზე მეტი ასაკის პაციენტებში, ახალგაზრდებთან შედარებით. 60 წელზე მეტი ასაკის ავადმყოფებისთვის, რომლებიც იღებენ კაპეციტაბინს დოცეტაქსელთან კომბინაციაში, რეკომენდებულია კაპეციტაბინის დოზის შემცირება 75%-მდე (950 მგ/მ2 დღე-ღამეში ორჯერ). თუკი არ იქნა გამოვლენილი პრეპარატის ტოქსიურობა შესაძლებელია დოზის ფრთხილი მატება 1250 მგ/მ2-მდე.

გვერდითი მოვლენები
მონოთერაპია კაპეციტაბინით:
ძალიან ხშირი გვერდითი მოვლენები(≥ 1/10),  ნებისმიერი ხარისხის: ანორექსია, დიარეა, გულისრევა, პირღებინება, სტომატიტი, მუცლის ტკივილი, ხელ-ფეხის ერითროდიზესთეზია, დაღლილობა.  
ხშირი გვერდითი მოვლენები  (≥ 1/100to < 1/10)  ნებისმიერი ხარისხის:  ჰერპეს- ვირუსით გამოწვეული ინფექცია, ნაზოფარინგიტი, ნეიტროპენია, ანემია, დეჰიდრატაცია, წონის კლება, ინსომნია, დეპრესია, თავის ტკივილი, ლეთარგია, თავბრუსხვევა, დისგევზია, ცრემლდენა, ეპისტაქსისი, ხველა, რინორეა, გასტროინტესტინური სისხლდენა, ყაბზობა, მუცლის ზედა ნაწილის ტკივილი,  დისპეფსია, შებერილობა, პირის სიმშრალე, ჰიპერბილირუბინემია, ღვიძლის ფუნქციების ცვლილებები, სიწითლე, ალოპეცია, ერითემა, კანის სიმშრალე, პრურიტი, კანის ჰიპერპიგმენტაცია, დერმატიტი, ფრჩხილების ცვლილებები, კიდურების ტკივილი, ზურგის ტკივილი, ართრალგია, პირექსია, პერიფეირული შეშუპება, მკერდის ტკივილი.
არახშირი გვერდითი მოვლენები  (≥ 1/1,000to < 1/100),
მძიმე და სიცოცხლისათვის საშიში ( ხარისხი 3-4) , ან მიჩნეული მნიშვნელოვნად: სეფსისი, საშარდე გზების ინფექციები, ცელულიტი, ტონზილიტი, ფარინგიტი, პირის ღრუს კანდიდოზი, გასტროენტერიტი, სოკოვანი ინფექცია, პირის ღრუს აბსცესი, ლიპომა, ფებრილური ნეიტროპენია, პანციტოპენია, გრანულოციტოპენია, თრომბოციტოპენია, ლეიკოპენია, ჰემოლიზური ანემია, საერთაშორისო ნორმალიზებული თანაფარდობის მომატება/პროთრომბინის დროის პროლონგირება, დიაბეტი, ჰიპოკალიემია, მადის პრობლემები, მადის დაქვეითება, ტრიგლიცერიდების მატება, პანიკური შეტევები, დეპრესია, ლიბიდოს დაქვეითება, აფაზია, მეხსიერების დაქვეითება, ატაქსია, სინკოპე, წონასწორობის დარღვევა, მგრძნობელობის პრობლემები, პერიფერიული ნეიროპათია, მხედველობის სიმახვილის დაქვეითება, დიპლოპია, თავბრუსხვევა, ყურის ტკივილი, გულის შეტევა, მიოკარდიუმის იშემია, წინაგულების თრთოლვა, არითმია, ტაქიკარდია, სინუსური ტაქიკარდია, ღრმა ვენების თრომბოზი, ჰიპერტენზია, პეტექია, ჰიპოტენზია, ალები,  სიცივის შეგრძნება, ფილტვის ემბოლია, პნევმოთორაქსი, ასთმა, დისპნეა, ნაწლავების ობსტრუქცია, ასციტი, ენტერიტი, გასტრიტი, დისფაგია, მუცლის ქვედა ნაწილის ტკივილი, ეზოფაგიტი, მუცლის დისკომფორტი, გასტროეზოფაგური რეფლუქსი, კოლიტი, სისხლი განავალში, სიყვითლე, კანის დაწყლულება, სიწითლე, ურტიკარია, ფოტოსენსიტიურობა, პალმარული ერითემა, სახის შეშუპება, პურპურა, სახსრების შეშუპება, ძვლის ტკივილი, სახის ტკივილი, კუნთოვანი დაჭიმულობა, კუნთოვანი სისუსტე, ჰიდრონეფროზი, შარდის შეუკავებლობა, ჰემატურია, ნოქტურია, სისხლში კრეატინინის მატება, ვაგინალური ჰემორაგია, გრიპის მაგვარი სიმპტომები, ტემპერატურის მატება.
იშვიათი/ძალიან იშვიათი გვერდითი მოვლენები (≥1/10,000 to <1/1,000)/ (<1/10,000)
ტოქსიური ლეიკოენცეფალოპათია, საცრემელე არხის სტენოზი, კორნეალური დაავადებები, კერატიტი, პარკუჭების ფიბრილაცია, QT ინტერვალის გახანგრძლივება,   Torsade de pointes ტიპის არითმია, ბრადიკარდია, ვაზოსპაზმი, ღვიძლის უკმარისობა, სტივენს-ჯონსონის სინდრომი და ტოქსიური ეპიდერმული ნეკროლიზი. 
კომბინირებული თერაპია კაპეციტაბინით
ძალიან ხშირი გვერდითი მოვლენები(≥ 1/10),  ნებისმიერი ხარისხის: ნეიტროპენია, ლეიკოპენია, ანემია, ნეიტროპენიული ცხელება, თრომბოციტოპენია, მადის დაქვეითება, პარესთეზია, დიზესთეზია, პერიფერიული ნეიროპათია, თავის ტკვილი, ცრემლდენა, ქვედა კიდურების შეშუპება, ჰიპერტენზია, ემბოლია და თრომბოზი, ყელის ტკივილი, შეკრულობა, დისპეპსია, ალოპეცია, ფრჩხილების დაავადებები, ართრალგია, კიდურების ტკივილი, პირექსია, სისუსტე, ძილიანობა.  
ხშირი გვერდითი მოვლენები(≥ (≥ 1/100to < 1/10)  ნებისმიერი ხარისხის: ჰერპეს ზოსტერის ვირუსით გამოწვეული ინფექციები, საშარდე გზების ინფექციები,  პირის ღრუს კანდიდოზი, რინიტი, ინფექცია, ძვლის ტვინის სუპრესია, ფებრილური ნეიტროპენია, ჰიპერსენსიტიურობა, ჰიპოკალიემია, ჰიპონატრიემია, ჰიპომაგნიემია, ჰიპერგლიკემია, ძილის დარღვევები, შფოთვა, ტრემორი, ნევრალგია, ჰიპერმგრძნობელობა, მხედველობის პრობლემები, მშრალი თვალის სინდრომი, ხმაური ყურებში, ჰიპოაკუზია, წინაგულების ფიბრილაცია, კარდიალური იშემია/ინფარქტი, ჰიპერტენზია, ჰიპერტენზიული კრიზი, ფლებიტი, ფარინგო-ლარინგეალური ტკივილი, დისფონია, გასტროინტესტინალური ტრაქტიდან სისხლდენა,  პირის ღრუს დაწყლულება, გასტრიტი, გასტროეზოფაგური რეფლუქსი, პირის ღრუს ტკივილი, დისფაგია, რექტალური ჰემორაგია, მუცლის ღრუს ქვედა ნაწილის ტკივილი, ორალური დიზესთეზია და პარესთეზია, მუცლის არეში დისკომფორტი, ყბის ტკივილი, კუნთების სპაზმი, ტრიზმი, კუნთების სისუსტე, ღვიძლის ფუნქციების ცვლილება,  ჰიპერჰიდროზი, ურტიკარია, ღამე ოფლიანობა, ჰემატურია, პროტეინურია, კრეატინინის კლირენსის დაქვეითება, ლორწოვანის ანთება, ტკივილი კიდურებში, გულმკერდის არეში ტკივილი, გრიპისმაგვარი სიმპტომები, სიცხე, გადასხმასთან დაკავშირებული რეაქციები, ინფუზიის ადგილზე ტკივილი. 
იშვიათი/ძალიან იშვიათი გვერდითი მოვლენები (≥1/10,000 to <1/1,000)/ (<1/10,000)
დეჰიდრატაციით განპირობებული თირკმლის მწვავე უკმარისობა. 

დოზის გადაჭარბება
დოზის მწვავე გადაჭარბება ვლინდება გულისრევით, პირღებინებით, დიარეით,მუკოზიტით, გასტროინტესტინური გაღიზიანებით და სისხლდენით, ძვლის ტვინის დათრგუნვით. სამედიცინო მენეჯმენტი მოიცვას სამედიცინო  ჩარევას კლინიკური სიმპტომების გაუმჯობესებისა  და შესაძლო გართულებების თავიდან აცილების მიზნით. 

შეფუთვა
500 მგ: 10ტაბლეტი ბლისტერზე. 1  ან 12 ბლისტერი მუყაოს კოლოფში გამოყენების ინსტრუქციასთან ერთად.
150 მგ: 10 ტაბლეტი ბლისტერზე. 6 ბლისტერი მუყაოს კოლოფში გამოყენების ინსტრუქციასთან ერთად. 

ვარგისიანობის ვადა
2 წელი

შენახვის პირობები
შეინახეთ არაუმეტეს 25°C ტემპერატურაზე ორიგინალურ შეფუთვაში. ბავშვებისათვის მიუწვდომელ ადგილზე.

აფთიაქიდან გაცემის წესი
ფარმაცევტული პროდუქტის ჯგუფი II, გაიცემა ფორმა N3 რეცეპტით. 

მწარმოებელი
BDR Pharmaceuticals International Pvt.Ltd., ინდოეთი

სავაჭრო ლიცენზიის მფლობელი
სს „ჰუმანითი ჯორჯია“, საქართველო