Meds.ge » ყველა წამალი » სეპტოლეტე პლუსი / septolete plusi / Septolete plus

სეპტოლეტე პლუსი / septolete plusi / Septolete plus

125

საერთო დახასიათება
აღწერა
მრგვალი, ორმხრივ ამობურცული საწუწნი ტაბლეტები, გლუვი ზედაპირით, მუქი ყვითელი ფერის.

შემადგენლობა
ყოველი საწუწნი ტაბლეტი შეიცავს 5 მგ ბენზოკაინს და 1 მგ ცეტილპირიდინის ქლორიდს.
დამხმარე ნივთიერებები: ლევომენთოლი, მწარე პიტნის ზეთი, მწვანე ლიმნის და თაფლის არომატიზატორი, თხევადი მალტიტი, მანიტოლი, გლიცერინი, აბუსალათინის ზეთი, კაჟბადის დიოქსიდი კოლოიდური უწყლო, მაგნიუმის სტეარატი, კაპოლი 600 ფარმა, პოვიდონი, ტიტანის დიოქსიდი (E171), საღებავი ქინოლინი ყვითელი (E104), კარამელის საღებავი (E150დ), მალტოდექსტრინი, წითელი საღEბავი (E129), მალტიტი.

გამოშვების ფორმა
საწუწნი ტაბლეტები.

სამკურნალო საშუალების კლასიფიკაციის ფორმა
ყელის დაავადების სამკურნალო პრეპარატი. ანტისეპტიური საშუალება.
ათქ-კოდი: R02AA06.

ფარმაკოლოგიური თვისებები
სეპტოლეტე პლუს თაფლი და ლაიმი  ტაბლეტებს გააჩნია ტკვილგამაყუჩებელი და ანტიმიკრობული ზემოქმედება - ახდენს ყელისა და პირის ღრუს დეზინფეცირებას, ადგილობრივად აყუჩებს ტკივილს. პრეპარატი შეიცავს ანტისეპტიკურ საშუალებას - ცეტილპირიდინის ქლორიდს, რომელიც იწვევს ბაქტერიებისა და სოკოების კვდომას, აბრკოლებს ვირუსების გავრცელებას და ზრდას. ამგვარად, ცეტილპირიდინის ქლორიდი ამცირებს ანთებით პროცესს ყელისა და პირის ღრუში, ხელს უშლის უფრო რთული ბაქტერიული ანთებითი პროცესის განვითარებას. ბენზოკაინი არის ადგილობრივი ანესთეზური საშუალება, რომელიც გამოიყენება ინფექსიისა და ანთების დროს დამახასიათებელი ტკივილისა და ყლაპვის შესამსუბუქებლად. სეპტოლეტე პლუს თაფლის და ლაიმი საწუწნი ტაბლეტები შეიცავენ ეგრეთვე პოლიოლებს (მალტიტი და მანიტოლი) და არ შეიცავს შაქარს, რომელიც აუცლებელია ბაქტერიების ზრდისათვის. პრეპარატი გათვალისწინებულია შაქრიანი დიაბეტის მქონე პაციენტებისათვისაც, არ იწვევს კარიესს და იმის გამო რომ არ შეიცავს შაქარს უზრუნველყოფს ოპტიმალურ ანტისეპტიკურ ეფექტს.

გამოყენების ჩვენებები
სეპტოლეტე პლუს თაფლი და ლაიმი საწუწნი ტაბლეტები რეკომენდებულია ყელში ტკივილის შესამსუბუქებლად და დეზინფექციისათვის:
• მსუბუქი ინფექციის დროს ყელისა და პირის ღრუში (ფარინგიტი, ლარინგიტი), ანგინას კომპლექსური თერაპიისას;
• ღრძილების და პირის ღრუს ლორწოვანი გარსის ანთებისას (გინგივიტის, სტომატიტი);
• გაცების და გრიპის დროს.

გამოყენების წესი და დოზირება
6 დან 12 წლამდე ასაკის ბავშვებში რეკომენდებული დოზირებაა 4 ტაბლეტამდე დღეში.
გაწუწნეთ ერთი ტაბლეტი ყოველ 4 საათში.
რეკომენდებული დოზირება უფროსებში და 12 წელზე ზემოთ ბავშვებში 8 ტაბლეტამდე დღეში.
გაწუწნეთ ერთი ტაბლეტი ყოველ 2-3 საათში.
ბავშვებში გამოყენების გამოცდილება შეზღუდულია.
სეპტოლეტე პლუს თაფლი და ლაიმი საწუწნი ტაბლეტების გამოყენება არ არის რეკომენდებული 6 წელზე დაბლა ასაკის ბავშვებში, ვინაიდან არ მოიპოვება საკმაო მონაცემები გამოყენების უსაფრთხოების შესახებ.

გვერდითი ეფექტები
სხვა მედიკამენტების მსგავსად  სეპტოლეტე პლუს თაფლი და ლაიმი საწუწნმა ტაბლეტებმაც შესაძლოა გამოიწვიოს არასასურველი ეფექტები.
გვერდითი ეფექტები კლასიფიცირდება ჯგუფებად გამოვლენის სიხშირის მიხედვით:
• ძალიან ხშირად (>/10),
• ხშირად (>1/100 დან <1/10მდე),
• არახშირად (>1/1000 დან <1/100 მდე)
• იშვიათად (>1/10000 დან <1/1000 მდე)
• ძალიან იშვიათად (<1/10000),
• სიხშირე არ არის ცნობილი (ვერ ხერხდება შეფასება არსებული მონაცემებით)
იშვიათად აღინიშნება:
• კუჭ-ნაწლავის აშლილობა;
ძალიან იშვიათად:
• ჰიპერმგრძნობელობის რეაქციები
აღნიშნული გვერდითი რეაქციების გამოვლენისას, აგრეთვე ისეთი გვერდითი ეფექტების გამოვლენისას, რომლებიც არ არის აღნიშნული ფურცელჩანართში მიმართეთ ექიმს.

უკუჩვენებები
მომატებული მგრძნობელობა პრეპარატის შემადგენელი მოქმედი და დამხმარე ნივთიერებების მიმართ.

დოზის გადაჭარბება
დოზირების გადაჭარბება არ აღინიშნება.
ტაბლეტებში აქტიური ნივთიერების დაბალი კონცენტრაციის გამო ჭარბი დოზის მიღება პრაქტიკურლად შეუძლებელია. რეკომენდებულ დოზაზე მეტი დოზირებით პრეპარატის მიღებისას შესაძლოა გამოვლინდეს კუჭ-ნაწლავის ტრაქტის პრობლემები-ღებინება, გულისრევა და დიარეა. არსებული ეფექტების გამოვლენისას უნდა შეწყვიტოთ პრეპარატის მიღება, დალიოთ დიდი რაოდენობით წყალი და რძე, მიიღეთ ექიმის კონსულტაცია.

უსაფრთხოების ზომები
არ მიიღოთ ტაბლეტები პირის ღრუში ღია ჭრილობების არსებობისას, რადგან ცეტილპირიდინის ქლორიდი ანელებს ჭრილობების მოშუშებას.
უფრო სერიოზული ინფექციებისას, რასაც თან ახლავს ტემპერატურის მატება, თავის ტკივილი და ღებინება, აუცილებელია ექიმის რჩევა, განსაკუთრებით თუ სამი დღის განმავლობაში არ შეიმჩნევა მდგომარეობის გაუმჯობესება.  შაქრიანი დიაბეტის მქონე პაციენტებს უნდა აცნობოთ, რომ ყოველი ტაბლეტი შეიცავს დაახლ. 1 გრ მალტიტს. მალტიტის მეტაბოლიზმისათვის აუცილებელია ინსულინი, მაგრამ ნელი ჰიდროლიზის და კუჭ-ნაწლავის ტრაქტში ცუდი შეწოვის გამო მალტიტის გლიკემიური ინდექსი დაბალია. მალტიტის ენერგეტიკული ეფექტურობა (10კილო ჯოული /გრ ან 2,4 კკალ/გრ) აგრეთვე მნიშვნელოვნად დაბალია, ვიდრე საქაროზასი. სეპტოლეტე პლუს თაფლი და ლაიმი საწუწნი ტაბლეტების მიღება არ არის რეკომენდებული 6 წლამდე ასაკის ბავშვებისათვის. არ არის რეკომენდებული დოზირების გადაჭარბება. 

განსაკუთრებული ინფეორმაცია პრეპარატის ზოგიერთი ინგრედიენტების შესახებ
სეპტოლეტე პლუს თაფლი და ლაიმი საწუწნი ტაბლეტები შეიცავენ მალტიტს და თხევად მალტიტს. პაციენტებმა, რომლებსაც ახასიათებთ აუტანლობა ზოგიერთი შაქრის მიმართ პრეპარატის მიღებამდე უნდა გაიარონ ექიმის კონსულტაცია. 

ორსულობა და ლაქტაცია
პრეპარატის მიღებამდე აუცლებელია ექიმის რეკომენდაცია.
მონაცემები ორსულობისა და ლაქტაციის პერიოდში უსაფრთხო გამოყენების შესახებ შეზღუდულია, ამიტომ არ არის რეკომენდებული პრეპარატის გამოყენება ორსულობის და ლაქტაციის დროს.

ზეგავლენა კონცენტრირების უნარზე ავტომობილისა და სხვა მექანიზმის მართვის დროს
არ არის ცნობილი სეპტოლეტე პლუს თაფლი და ლაიმი საწუწნი ტაბლეტების გამოყენებისას ზეგავლენა ავტომობილის მართვისა და სხვა მექანიზმებთან მუშაობის უნარზე.

ურთიერთზემოქმედება სხვა მედიკამენტებთან მიმართებაში
ამ პრეპარატის ზეგავლენა სხვა მედიკამენტების ეფექტურობაზე არ არის ცნობილი.
საწუწნი ტაბლეტები არ უნდა მიიღოთ რძესთან ერთად, ვინაიდან რძე ასუსტებს ცეტილპირიდინის ქლორიდის ანტიმიკრობულ ეფექტს.

შენახვის პირობები და ვარგისიანობის ვადა
ინახება არაუმეტეს 25°C ტემპერატურაზე სინათლისა და ნესტისაგან დაცულ ადგილას.
შეინახეთ ბავშვებისაგან  მიუწვდომელ ადგილას
ვარგისიანობის ვადა 2 წელი.

აფთიაქიდან გაცემის პირობა
გაიცემა ექიმის რეცეპტის გარეშე.

შეფუთვა
2 ბლისტერი 9 ტაბლეტით ფურცელჩანართთან მოთავსებულია ერთად მუყაოს კოლოფში

კომენტარის დამატება