პინოსოლი / pinosoli / Pinosol

აღწერილობა 

გამჭვირვალე სითხე ლურჯიდან მწვანე-ლურჯ ფერამდე, მენთოლისა და ევკალიპტის სუნით. 

 

შემადგენლობა

აქტიური ნივთიერებები:100 გ-ზე10 გ-ზე (ფლაკონი)

ჩვეულებრივი ფიჭვის ზეთი3,752 გ0,3752 გ

ევკალიპტის ზეთი 0,500 გ0,0500 გ

თიმოლი 0,032 გ 0,0032 გ  

α-ტოკოფეროლის აცეტატი1,700 გ0,1700 გ

ბაღის პიტნის ზეთი1,000 გ0,1000 გ

გუაიაზულენი0,020 გ0,0020 გ

დამხმარე ნივთიერებები: ბუტილჰიდროქსიანიზოლი, მაკროგოლისა და გლიცერიდების გარგრის ზეთის ეთერი (ლაბრაფილ M-1944-ჩშ), მცენარეული ზეთი.

 

ფარმაკოთერაპიული ჯგუფი

მცენარეული წარმოშობის დეკონგესციური საშუალება. 

ათქ კოდი: R01AX30. 

 

ფარმაკოლოგიური თვისებები

აქვს ანთების საწინააღმდეგო და ანტისეპტიკური მოქმედება.

 

გამოყენების ჩვენება

• მწვავე რინიტი.

• ქრონიკული ატროფიული რინიტი. 

• ცხვირისა და ცხვირხახის ლორწოვანი გარსების მწვავე და ქრონიკული ანთებითი დაავადებები, რომლებსაც თან ახლავს ცხვირის ლორწოვანი გარსების სიმშრალე. 

• ცხვირის ღრუს ოპერაციის შემდგომი მდგომარეობები – ექიმის დანიშნულებით (სტაციონარის პირობებში და ამბულატორულად).

 

უკუჩვენება

მომატებული მგრძნობელობა პრეპარატის კომპონენტების მიმართ, ალერგიული რინიტი, 2 წლამდე ბავშვთა ასაკი.

 

გამოყენება ორსულობისა და ძუძუთი კვების პერიოდში

პრეპარატის გამოყენება ნებადართულია ორსულობისა და ძუძუთი კვების პერიოდში. საჭიროა ექიმთან კონსულტაცია. 

 

გამოყენების წესი და დოზები

ადგილობივად. მოზრდილებს პრეპარატს უწვეთებენ პირველ დღეს 1-2 წვეთს ყოველ ნესტოში 1-2 საათიანი ინტერვალით. მომდევნო დღეებში 1-2 წვეთი ყოველ ნესტოში 3-4 ჯერ დღე-ღამეში. ბავშვებს უწვეთებენ 1-2 წვეთს 3-4 ჯერ დღეში ან იყენებენ ბამბის ტამპონს.

შესაძლებელია პრეპარატის გამოყენება ინჰალაციისთვის, ამისათვის 2 მლ-ს (50 წვეთს) აწვეთებენ ინჰალატორში. ინჰალაციის ჩატარება რეკომენდებულია 2-3 ჯერ დღეში. 

მკურნალობის ხანგრძლივობა შეადგენს 5-7 დღეს. 

 

გვერდითი მოქმედება

გვერდითი მოქმედების განვითარების სიხშირის კლასიფიკაცია წარმოდგენილია MედDღA-ს (მარეგულირებელი საქმიანობის სამედიცინო ტერმინოლოგიური ლექსიკონი) ორგანოთა სისტემების კლასების საფუძველზე:

ძალიან ხშირად (>1/10);

ხშირად (>1/100, მაგრამ <1/10);

არც ისე ხშირად (>1/1000, მაგრამ <1/100);

იშვიათად (>1/10000, მაგრამ <1/1000);

ძალიან იშვიათად (<1/10000);

სიხშირე უცნობია (არსებული მონაცემების საფუძველზე სიხშირის შეფასება შეუძლებელია).

ზოგადი დარღვევები და დარღვევები შეყვანის ადგილზე

სიხშირე უცნობია – ქავილი, წვა, სიმშრალე, ჰიპერემია ან ცხვირის ლორწოვანი გარსის შეშუპება.

დარღვევები სასუნთქი სისტემის, გულ-მკერდისა და შუასაყრის ორგანოების მხრივ

სიხშირე უცნობია – დისკომფორტი ცხვირის არეში. 

დარღვევები იმუნური სისტემის მხრივ

სიხშირე უცნობია – ჰიპერმგრძნობელობა სამკურნალო საშუალების მიმართ.

მიმართეთ ექიმს არასასურველი მოვლენების ან სხვა უჩვეულო რეაქციების გამოვლენის შემთხვევაში, რომლებიც არ არის აღწერილი ჩანართში. 

 

დოზის გადაჭარბება

ამ მომენტისათვის დოზის გადაჭარბების შემთხვევები არ არის აღნიშნული. 

 

ურთიერთქმედება სხვა სამკურნალო საშუალებებთან

ამ მომენტისათვის მონაცემები სხვა სამკურნალო საშუალებებთან ურთიერთქმედების შესახებ არ არის. 

 

განსაკუთრებული მითითებები

მოერიდეთ პრეპარატის მოხვედრას თვალის ლორწოვან გარსზე. 

სამკურნალო საშუალების ხშირი ან/და ხანგრძლივი გამოყენება შეიძლება იწვევდეს ცხვირის ლორწოვანი გარსის სიმშრალეს. 

 

ზემოქმედება სატრანსპორტო საშუალებების მართვის და მექანიზმებთან მუშაობის უნარზე

პრეპარატი არ მოქმედებს პოტენციურად საშიში საქმიანობის შესრულების უნარზე, როდესაც საჭიროა ყურადღების მომატებული კონცენტრაცია და ფსიქომოტორული რეაქციების სისწრაფე (მათ შორის, სატრანსპორტო საშუალებების მართვა, მოძრავ მექანიზმებთან მუშაობა). 

 

გამოშვების ფორმა 

ნაზალური წვეთები.

10 მლ ყავისფერი მინის ფლაკონებში, რომლებსაც თან ახლავს რეზინის პიპეტები თავსახურით. 

თითო ფლაკონი გამოყენების ინსტრუქციასთან ერთად მოთავსებულია მუყაოს კოლოფში. 

 

შენახვის პირობები

პრეპარატი ინახება ორიგინალ შეფუთვაში 15ºC-დან 25ºC-მდე ტემპერატურაზე.

პრეპარატი შეინახეთ ბავშვებისათვის მიუწვდომელ ადგილას. 

 

ვარგისობის ვადა

3 წელი. 

პრეპარატი არ გამოიყენოთ ვარგისობის ვადის გასვლის შემდეგ.

 

გაცემის პირობები

რეცეპტის გარეშე