სამედიცინო ანტისეპტიკური ხსნარი / samedicino antiseptikuri xsnari / Spiritus aethylicus

შემადგენლობა და გამოშვების ფორმა

გარეგანი გამოყენების ხსნარი 1 ფლაკონი
ეთანოლი 95% 50 მლ ან 100 მლ 

შეფუთვა
50 მლ ან 100 მლ მინის ან პოლიმერულ (PET) ფლაკონში ხრახნიანი ყელით მოხუფული ხრახნიანი ალუმინის (საწარმოოს ლოგოტიპით) ან პოლიეთილენის ჩაჩით პირველადი გახსნის კონტროლით

ფარმაკოლოგიური თვისებები
ფარმაკოლოგიური თვისებებით სამედიცინო ანტისეპტიკური ხსნარი (95% ეთანოლი) მიეკუთვნება ანტისეპტიკურ საშუალებას. 
ეთანოლის ანტიმიკრობული მოქმედება აიხსნება მისი უნარით მოახდინოს ცილების გაუწყლოება და დენატურაცია. 
ეთანოლი იწვევს კანის სისხლძარღვების გაფართოებას, შეიგრძნობა სითბო, მაგრამ არ იზრდება ორგანიზმის ტემპერატურა, რადგან იზრდება სითბოს გაცემა, ეთანოლის დიდი დოზით მიღებისას სხეულის ტემპერატურა ნორმაზე მეტად ქვეითდება.

ჩვენებები
ეთანოლი სამედიცინო პრაქტიკაში გამოიყენება ძირითადად როგორც გარეგანი ანტიმიკრობული, ანტისეპტიკური და გამაღიზიანებელი საშუალება დასაზელად და კომპრესებისათვის. 
ეთანოლის ანტისეპტიკური თვისება გამოიყენება ქირურგიული ინსტრუმენტების, საოპერაციო მიდამოს სტერილიზაციისათვის და ოპერაციის წინ სამედიცინო პერსონალის ხელების დასამუშავებლად.

შენახვის პირობები და ვადები
პრეპარატი ინახება კარგად დახურულ ჭურჭელში, გრილ ადგილას.
ინახება ბავშვებისათვის მიუწვდომელ ადგილას.
შენახვის ვადა 5 წელი

აფთიაქში გაცემის წესი
ფარმაცევტული პროდუქტის ჯგუფი III (გაცემის რეჟიმი: ურეცეპტოდ).

რეგისტრაციის # და თარიღი
№R - 001401
03.04.2007 - 03.04.2012