კლარითრომიცინი -APO / klaritromicini - APO / CLARITHROMYCIN-APO

ათქ კოდი: M01AB

 

შემადგენლობა:

პრეპარატის ერთი ტაბლეტი შეიცავს აქტიური ნივთიერების - კლარითრომიცინის 500 მგ-ს.

 

მოქმედების მექანიზმი:

მაკროლიდების ჯგუფის ანტიბიოტიკი. კლარითრომიცინი მოქმედებს ბაქტერიის 50S რიბოსომულ სუბერთეულთან და თრგუნავს მიკრობის უჯრედში ცილის სინთეზს.მის მიმართ მგრძნობიარეა: Streptococcus agalactiae (pyogenes, viridans, pneumoniae), Haemophilus infl uenzae (parainfl uenzae), Neisseria gonorrheae, Listeria monocytogenes, Legionella pneumophila, Mycoplazma pneumoniae, Helicobacter (Campilobacter) pylori, Campilobacter jejuni, Chlamidia pneumoniae (trachomatis), Moraxella (Branhamella) catarrhalis, Bordetella pertussis, Propionibacterium acnes, Mycobacterium avium, Mycobacterium leprae, Staphylococcus aureus, Ureaplazma urealyticum, Toxoplasma gondii, Neisseria gonorrhoeae.

კლარითრომიცინი პერორალურად მიღებისას მეტაბოლიზდება 14 - ჰიდროქსიკლარითრომიცინამდე, რომელსაც გააჩნია იგივე ან ოდნავ შემცირებული ანტიმიკრობული აქტივობა, ვიდრე მის სახეშეუცვლელ ფორმას. 

50 0 მგ კლარითრომიცინის რეგულარულად მიღებისას პლაზმაში სახეშეუცვლელი ფორმისა და მეტაბოლიტის მაქსიმალური კონცენტრაცია შესაბამისად აღწევს 1 მკგ/მლ და 0.6 მკგ/მლ, ხოლო ნახევარგამოყოფის პერიოდი - 3-4 სთ და 5-6 სთ.

 

ჩვენებები:

კლარითრომიცინისადმი მგრძნობიარე მიკროორგანიზმებით გამოწვეული ინფექციური დაავადებები:

- ზედა სასუნთქი გზების ინფექციები: ლარინგიტი, ფარინგიტი, ტონზილიტი, სინუსიტი;

- ქვედა სასუნთქი გზების ინფექციები: ბრონქიტი, ბაქტერიული პნევმონია, ატიპიური პნევმონია;

- კანისა და რბილი ქსოვილების ინფექციები: ფოლიკულიტი, ფურუნკულოზი, იმპეტიგო, ჭრილობის ინფექცია;

- ინფექციები, გამოწვეული Mycobacterium avium;

- ინფექციები, გამოწვეული Chlamidia trachomatis;

- ინფექციები, გამოწვეული Helicobacter pylori;

- ინფექციები, გამოწვეული Ureaplazma urealyticum.

 

მიღების წესები და დოზები:

მოზრდილებში: შიგნით მისაღებად საშუალო დოზაა 250 მგ ორჯერ დღეში. საჭიროებისას - 500 მგ ორჯერ დღეში. მკურნალობის ხანგრძლივობა 6-14 დღეა. ბავშვებში დღიური დოზა შეადგენს 7.5 მგ/კგ სხეულის წონაზე. მაქსიმალური დღიური დოზაა 500 მგ. მკურნალობის ხანგრძლივობა 7-10 დღეა.

Micobacterium avium-ით გამოწვეული ინფექციების დროს კლარითრომიცინის დოზაა 1 გ ორჯერ დღეში. მკურნალობის ხანგრძლივობა - 6 თვე და მეტი. თირკმლის უკმარისობის დროს, როცა კრეატინინის კლირენსი ნაკლებია 30 მლ/წთ, პრეპარატის დოზა უნდა განახევრდეს, ხოლო მკურნალობის კურსის ხან გრძლივობამ არ უნდა გადააჭარბოს 14 დღეს.

 

გვერდითი მოვლენები:

გულისრევა, ღებინება, ეპიგასტრალური არის მტკივნეულობა, დიარეა, სისხლის შრატში ღვიძლის ტრანსამინაზების ტრანზიტორული მატება.

 

უკუჩვენება:

მაკროლიდების ჯგუფის პრეპარატებისადმი მაღალი მგრძნობელობა.

 

განსაკუთრებული მითითებები:

ორსულობის I ტრიმესტრში პრეპარატი ინიშნება მხოლოდ აბსოლუტური ჩვენების შემთხვევაში. სიფრთხილეა საჭირო ღვიძლის ან თირკმლების ფუნქციის დარღვევის დროს.

კლარითრომიცინისა და თეოფილინის ან კარბამაზეპინის ერთდროული დანიშვნისას პლაზმაში აღინიშნება მათი კონცენტრაციის მომატება.

 

შენახვის პირობები და ვადები:

ვარგისიანობის ვადა იხილეთ შეფუთვაზე.

ინახება 10-25oC ტემპერატურაზე, სინათლისაგან დაცულ, მშრალ, ბავშვები სათვის ხელმიუწვდომელ ადგილზე!

 

გაცემის პირობები

ფარმაცევტული პროდუქტის ჯგუფი II, გაიცემა ფორმა N3 რეცეპტით